308

ہارنے والوں کی تاریخی فتح : تحریر قلم لبنی اشرف

ہارنے والوں کی تاریخی فتح :: قلم لبنی اشرف سے
ﺳﻘﺮﺍﻁ ﻧﮯ ﺟﺐ ﺯﮨﺮ ﮐﺎ ﭘﯿﺎﻟﮧ ﭘﯿﺎ ﺗﻮ ﺍﯾﺘﮭﻨﺰ ﮐﮯ ﺣﮑﻤﺮﺍﻧﻮﮞ ﻧﮯ ﺳﮑﮫ ﮐﺎ ﺳﺎﻧﺲ ﻟﯿﺎ ﮐﮧ ﺍُﻥ ﮐﮯ ﻧﻮﺟﻮﺍﻧﻮﮞ ﮐﻮ ﮔﻤﺮﺍﮦ ﮐﺮﻧﮯ ﻭﺍﻻ ﺟﮩﻨﻢ ﺭﺳﯿﺪ ﮨﻮﺍ، ﯾﻮﻧﺎﻥ ﮐﯽ ﺍﺷﺮﺍﻓﯿﮧ ﺟﯿﺖ ﮔﺌﯽ، ﺳﻘﺮﺍﻁ ﮐﯽ ﺩﺍﻧﺶ ﮨﺎﺭ ﮔﺌﯽ۔ ﻭﻗﺖ ﮔﺰﺭ ﮔﯿﺎ۔
ﺍﺳﮑﺎﭦ ﻟﯿﻨﮉ ﮐﯽ ﺟﻨﮓ ﺍٓﺯﺍﺩﯼ ﻟﮍﻧﮯ ﻭﺍﻟﮯ ﺩﻻﻭﺭ ﻭﻟﯿﻢ ﻭﺍﻟﺲ ﮐﻮ ﺟﺐ ﺍﻧﮕﻠﯿﻨﮉ ﮐﮯ ﺑﺎﺩﺷﺎﮦ ﺍﯾﮉﻭﺭﮈ ﺍﻭّﻝ ﻧﮯ ﮔﺮﻓﺘﺎﺭ ﮐﯿﺎ ﺗﻮ ﺍُﺱ ﭘﺮ ﻏﺪﺍﺭﯼ ﮐﺎ ﻣﻘﺪﻣﮧ ﻗﺎﺋﻢ ﮐﯿﺎ، ﺍﺳﮯ ﺑﺮﮨﻨﮧ ﮐﺮﮐﮯ ﮔﮭﻮﮌﻭﮞ ﮐﮯ ﺳﻤﻮﮞ ﮐﮯ ﺳﺎﺗﮫ ﺑﺎﻧﺪﮪ ﮐﺮ ﻟﻨﺪﻥ ﮐﯽ ﮔﻠﯿﻮﮞ ﻣﯿﮟ ﮔﮭﺴﯿﭩﺎ ﮔﯿﺎ ﺍﻭﺭ ﭘﮭﺮ ﻧﺎﻗﺎﺑﻞ ﺑﯿﺎﻥ ﺗﺸﺪﺩ ﮐﮯ ﺑﻌﺪ ﺍُﺳﮯ ﭘﮭﺎﻧﺴﯽ ﺩﮮ ﮐﺮ ﻻﺵ ﮐﮯ ﭨﮑﮍﮮ ﭨﮑﮍﮮ ﮐﺮ ﺩﯾﺌﮯ ﮔﺌﮯ۔ ﺍُﺱ ﻭﻗﺖ ﮐﺎ ﺑﺎﺩﺷﺎﮦ ﺟﯿﺖ ﮔﯿﺎ، ﻭﻟﯿﻢ ﻭﺍﻟﺲ ﮨﺎﺭ ﮔﯿﺎ۔ ﻭﻗﺖ ﮔﺰﺭ ﮔﯿﺎ۔
ﮔﻠﯿﻠﯿﻮ ﻧﮯ ﺛﺎﺑﺖ ﮐﯿﺎ ﮐﮧ ﺯﻣﯿﻦ ﺍﻭﺭ ﺩﯾﮕﺮ ﺳﯿﺎﺭﮮ ﺳﻮﺭﺝ ﮐﮯ ﮔﺮﺩ ﮔﮭﻮﻣﺘﮯ ﮨﯿﮟ ﺗﻮ ﯾﮧ ﮐﯿﺘﮭﻮﻟﮏ ﻋﻘﺎﺋﺪ ﮐﯽ ﺧﻼﻑ ﻭﺭﺯﯼ ﺗﮭﯽ، ﭼﺮﭺ ﻧﮯ ﮔﻠﯿﻠﯿﻮ ﭘﺮ ﮐﻔﺮ ﮐﺎ ﻓﺘﻮﯼٰ ﻟﮕﺎﯾﺎ ﺍﻭﺭ ﺍﺳﮯ ﻏﯿﺮﻣﻌﯿﻨﮧ ﻣﺪﺕ ﺗﮏ ﮐﮯ ﻟﺌﮯ ﻗﯿﺪ ﮐﯽ ﺳﺰﺍ ﺳﻨﺎ ﺩﯼ، ﯾﮧ ﺳﺰﺍ 1633 ﻣﯿﮟ ﺳﻨﺎﺋﯽ ﮔﺌﯽ، ﮔﻠﯿﻠﯿﻮ ﺍﭘﻨﮯ ﮔﮭﺮ ﻣﯿﮟ ﮨﯽ ﻗﯿﺪ ﺭﮨﺎ ﺍﻭﺭ 1642 ﻣﯿﮟ ﻭﮨﯿﮟ ﺍُﺱ ﮐﯽ ﻭﻓﺎﺕ ﮨﻮﺋﯽ، ﭘﺎﺩﺭﯼ ﺟﯿﺖ ﮔﺌﮯ ﺳﺎﺋﻨﺲ ﮨﺎﺭ ﮔﺌﯽ۔ ﻭﻗﺖ ﮔﺰﺭ ﮔﯿﺎ۔
ﺟﯿﻮﺭﮈﺍﻧﻮ ﺑﺮﻭﻧﻮ ﭘﺮ ﺑﮭﯽ ﭼﺮﭺ ﮐﮯ ﻋﻘﺎﺋﺪ ﺳﮯ ﺍﻧﺤﺮﺍﻑ ﮐﺮﻧﮯ ﮐﺎ ﻣﻘﺪﻣﮧ ﺑﻨﺎ ﯾﺎﮔﯿﺎ، ﺑﺮﻭﻧﻮ ﻧﮯ ﺍﭘﻨﮯ ﺩﻓﺎﻉ ﻣﯿﮟ ﮐﮩﺎ ﮐﮧ ﺍﺱ ﮐﯽ ﺗﺤﻘﯿﻖ ﻋﯿﺴﺎﺋﯿﺖ ﮐﮯ ﻋﻘﯿﺪﮦ ﺧﺪﺍ ﺍﻭﺭ ﺍُﺱ ﮐﯽ ﺗﺨﻠﯿﻖ ﺳﮯ ﻣﺘﺼﺎﺩﻡ ﻧﮩﯿﮟ ﻣﮕﺮ ﺍُﺱ ﮐﯽ ﺑﺎﺕ ﻧﮩﯿﮟ ﺳﻨﯽ ﮔﺌﯽ ﺍﻭﺭ ﺍﺳﮯ ﺍﭘﻨﮯ ﻧﻈﺮﯾﺎﺕ ﺳﮯ ﻣﮑﻤﻞ ﻃﻮﺭ ﭘﺮ ﺗﺎﺋﺐ ﮨﻮﻧﮯ ﮐﮯ ﻟﺌﮯ ﮐﮩﺎ ﮔﯿﺎ، ﺑﺮﻭﻧﻮ ﻧﮯ ﺍﻧﮑﺎﺭ ﮐﺮ ﺩﯾﺎ، ﭘﻮﭖ ﻧﮯ ﺑﺮﻭﻧﻮ ﮐﻮ ﮐﺎﻓﺮ ﻗﺮﺍﺭ ﺩﮮ ﺩﯾﺎ، 8 ﻓﺮﻭﺭﯼ 1600 ﮐﻮ ﺟﺐ ﺍﺳﮯ ﻓﯿﺼﻠﮧ ﭘﮍﮪ ﮐﺮ ﺳﻨﺎﯾﺎ ﮔﯿﺎ ﺗﻮ ﺑﺮﻭﻧﻮ ﻧﮯ ﺗﺎﺭﯾﺨﯽ ﺟﻤﻠﮧ ﮐﮩﺎ ’’ ﻣﯿﮟ ﯾﮧ ﻓﯿﺼﻠﮧ ﺳﻨﺘﮯ ﮨﻮﺋﮯ ﺍﺗﻨﺎ ﺧﻮﻓﺰﺩﮦ ﻧﮩﯿﮟ ﮨﻮﮞ ﺟﺘﻨﺎ ﺗﻢ ﯾﮧ ﻓﯿﺼﻠﮧ ﺳﻨﺎﺗﮯ ﮨﻮﺋﮯ ﺧﻮﻓﺰﺩﮦ ﮨﻮ۔ ‘‘ ﺑﺮﻭﻧﻮ ﮐﯽ ﺯﺑﺎﻥ ﮐﺎﭦ ﺩﯼ ﮔﺌﯽ ﺍﻭﺭ ﺍﺳﮯ ﺯﻧﺪﮦ ﺟﻼ ﺩﯾﺎ ﮔﯿﺎ۔ ﭘﻮﭖ ﺟﯿﺖ ﮔﯿﺎ، ﺑﺮﻭﻧﻮ ﮨﺎﺭ ﮔﯿﺎ۔ ﻭﻗﺖ ﮔﺰﺭ ﮔﯿﺎ۔
ﺣﺠﺎﺝ ﺑﻦ ﯾﻮﺳﻒ ﺟﺐ ﺧﺎﻧﮧ ﮐﻌﺒﮧ ﭘﺮ ﺍٓﮒ ﮐﮯ ﮔﻮﻟﮯ ﭘﮭﯿﻨﮏ ﺭﮨﺎ ﺗﮭﺎ ﺗﻮ ﺍُﺱ ﻭﻗﺖ ﺍﺑﻦ ﺯﺑﯿﺮؓ ﻧﮯ ﺟﻮﺍﻧﻤﺮﺩﯼ ﮐﯽ ﺗﺎﺭﯾﺦ ﺭﻗﻢ ﮐﯽ، ﺍﻧﮩﯿﮟ ﻣﺴﻠﺴﻞ ﮨﺘﮭﯿﺎﺭ ﭘﮭﯿﻨﮑﻨﮯ ﮐﮯ ﭘﯿﻐﺎﻣﺎﺕ ﻣﻮﺻﻮﻝ ﮨﻮﺋﮯ ﻣﮕﺮ ﺍٓﭖ ؓ ﻧﮯ ﺍﻧﮑﺎﺭ ﮐﺮﺩﯾﺎ، ﺍﭘﻨﯽ ﻭﺍﻟﺪﮦ ﺣﻀﺮﺕ ﺍﺳﻤﺎؓ ﺳﮯ ﻣﺸﻮﺭﮦ ﮐﯿﺎ، ﺍﻧﮩﻮﮞ ﻧﮯ ﮐﮩﺎ ﮐﮧ ﺍﮨﻞ ﺣﻖ ﺍﺱ ﺑﺎﺕ ﮐﯽ ﻓﮑﺮ ﻧﮩﯿﮟ ﮐﯿﺎ ﮐﺮﺗﮯ ﮐﮧ ﺍﻥ ﮐﮯ ﭘﺎﺱ ﮐﺘﻨﮯ ﻣﺪﺩﮔﺎﺭ ﺍﻭﺭ ﺳﺎﺗﮭﯽ ﮨﯿﮟ، ﺟﺎﻭٔ ﺗﻨﮩﺎ ﻟﮍﻭ ﺍﻭﺭ ﺍﻃﺎﻋﺖ ﮐﺎ ﺗﺼﻮﺭ ﺑﮭﯽ ﺫﮨﻦ ﻣﯿﮟ ﻧﮧ ﻻﻧﺎ، ﺍﺑﻦ ﺯﺑﯿﺮ ؓ ﻧﮯ ﺳﻔﺎﮎ ﺣﺠﺎﺝ ﺑﻦ ﯾﻮﺳﻒ ﮐﺎ ﻣﻘﺎﺑﻠﮧ ﮐﯿﺎ ﺍﻭﺭ ﺷﮩﺎﺩﺕ ﻧﻮﺵ ﻓﺮﻣﺎﺋﯽ، ﺣﺠﺎﺝ ﻧﮯ ﺍٓﭖؓ ﮐﺎ ﺳﺮ ﮐﺎﭦ ﮐﺮ ﺧﻠﯿﻔﮧ ﻋﺒﺪ ﺍﻟﻤﺎﻟﮏ ﮐﻮ ﺑﮭﺠﻮﺍ ﺩﯾﺎ ﺍﻭﺭ ﻻﺵ ﻟﭩﮑﺎ ﺩﯼ، ﺧﻮﺩ ﺣﻀﺮﺕ ﺍﺳﻤﺎؓ ﮐﮯ ﭘﺎﺱ ﭘﮩﻨﭽﺎ ﺍﻭﺭ ﮐﮩﺎ ﺗﻢ ﻧﮯ ﺑﯿﭩﮯ ﮐﺎ ﺍﻧﺠﺎﻡ ﺩﯾﮑﮫ ﻟﯿﺎ، ﺍٓﭖؓ ﻧﮯ ﺟﻮﺍﺏ ﺩﯾﺎ ﮨﺎﮞ ﺗﻮ ﻧﮯ ﺍﺱ ﮐﯽ ﺩﻧﯿﺎ ﺧﺮﺍﺏ ﮐﺮ ﺩﯼ ﺍﻭﺭ ﺍُﺱ ﻧﮯ ﺗﯿﺮﯼ ﻋﻘﺒﯽٰ ﺑﮕﺎﮌ ﺩﯼ۔ ﺣﺠﺎﺝ ﺟﯿﺖ ﮔﯿﺎ، ﺍﺑﻦ ﺯﺑﯿﺮ ؓ ﮨﺎﺭ ﮔﺌﮯ۔ ﻭﻗﺖ ﮔﺰﺭ ﮔﯿﺎ۔
ﺍﺑﻮ ﺟﻌﻔﺮ ﻣﻨﺼﻮﺭ ﻧﮯ ﮐﺌﯽ ﻣﺮﺗﺒﮧ ﺍﻣﺎﻡ ﺍﺑﻮ ﺣﻨﯿﻔﮧ ؒﮐﻮ ﻗﺎﺿﯽ ﺍﻟﻘﻀﺎۃ ﺑﻨﻨﮯ ﮐﯽ ﭘﯿﺸﮑﺶ ﮐﯽ ﻣﮕﺮ ﺍٓﭖ ﻧﮯ ﮨﺮ ﻣﺮﺗﺒﮧ ﺍﻧﮑﺎﺭ ﮐﯿﺎ، ﺍﯾﮏ ﻣﻮﻗﻊ ﭘﺮ ﺩﻭﻧﻮﮞ ﮐﮯ ﺩﺭﻣﯿﺎﻥ ﺗﻠﺨﯽ ﺍﺱ ﻗﺪﺭ ﺑﮍﮪ ﮔﺌﯽ ﮐﮧ ﻣﻨﺼﻮﺭ ﮐﮭﻠﻢ ﮐﮭﻼ ﻇﻠﻢ ﮐﺮﻧﮯ ﭘﺮ ﺍﺗﺮ ﺍٓﯾﺎ، ﺍُﺱ ﻧﮯ ﺍﻧﮩﯿﮟ ﺑﻐﺪﺍﺩ ﻣﯿﮟ ﺩﯾﻮﺍﺭﯾﮟ ﺑﻨﺎﻧﮯ ﮐﮯ ﮐﺎﻡ ﮐﯽ ﻧﮕﺮﺍﻧﯽ ﺍﻭﺭ ﺍﯾﻨﭩﯿﮟ ﮔﻨﻨﮯ ﭘﺮ ﻣﺎﻣﻮﺭ ﮐﺮ ﺩﯾﺎ، ﻣﻘﺼﺪ ﺍُﻥ ﮐﯽ ﮨﺘﮏ ﮐﺮﻧﺎ ﺗﮭﺎ، ﺑﻌﺪ ﺍﺯﺍﮞ ﻣﻨﺼﻮﺭ ﻧﮯ ﺍﻣﺎﻡ ﺍﺑﻮﺣﻨﯿﻔﮧ ﮐﻮ ﮐﻮﮌﮮ ﻣﺎﺭﮮ ﺍﻭﺭ ﺍﺫﯾﺖ ﻧﺎﮎ ﻗﯿﺪ ﻣﯿﮟ ﺭﮐﮭﺎ، ﺑﺎﻻٓﺧﺮ ﻗﯿﺪ ﻣﯿﮟ ﮨﯽ ﺍﻧﮩﯿﮟ ﺯﮨﺮ ﺩﮮ ﮐﺮ ﻣﺮﻭﺍ ﺩﯾﺎ ﮔﯿﺎ، ﺳﺠﺪﮮ ﮐﯽ ﺣﺎﻟﺖ ﻣﯿﮟ ﺍٓﭖ ﮐﺎ ﺍﻧﺘﻘﺎﻝ ﮨﻮﺍ، ﻧﻤﺎﺯ ﺟﻨﺎﺯﮦ ﻣﯿﮟ ﻣﺠﻤﻊ ﮐﺎ ﺣﺎﻝ ﯾﮧ ﺗﮭﺎ ﮐﮧ ﭘﭽﺎﺱ ﮨﺰﺍﺭ ﻟﻮﮒ ﺍﻣﮉ ﺍٓﺋﮯ، ﭼﮫ ﻣﺮﺗﺒﮧ ﻧﻤﺎﺯ ﺟﻨﺎﺯﮦ ﭘﮍﮬﯽ ﮔﺌﯽ۔ ﻣﻨﺼﻮﺭ ﺟﯿﺖ ﮔﯿﺎ، ﺍﻣﺎﻡ ﺍﺑﻮ ﺣﻨﯿﻔﮧ ﮨﺎﺭ ﮔﺌﮯ۔ ﻭﻗﺖ ﮔﺰﺭ ﮔﯿﺎ۔
ﺗﺎﺭﯾﺦ ﻣﯿﮟ ﮨﺎﺭ ﺟﯿﺖ ﮐﺎ ﻓﯿﺼﻠﮧ ﻃﺎﻗﺖ ﮐﯽ ﺑﻨﯿﺎﺩ ﭘﺮ ﻧﮩﯿﮟ ﮨﻮﺗﺎ، ﯾﻮﻧﺎﻥ ﮐﯽ ﺍﺷﺮﺍﻓﯿﮧ ﺳﻘﺮﺍﻁ ﺳﮯ ﺯﯾﺎﺩﮦ ﻃﺎﻗﺘﻮﺭ ﺗﮭﯽ ﻣﮕﺮ ﺗﺎﺭﯾﺦ ﻧﮯ ﺛﺎﺑﺖ ﮐﯿﺎ ﮐﮧ ﺳﻘﺮﺍﻁ ﮐﺎ ﺳﭻ ﺯﯾﺎﺩﮦ ﻃﺎﻗﺘﻮﺭ ﺗﮭﺎ۔ ﻭﻟﯿﻢ ﻭﺍﻟﺲ ﮐﯽ ﺩﺭﺩﻧﺎﮎ ﻣﻮﺕ ﮐﮯ ﺑﻌﺪ ﺍﺱ ﮐﺎ ﻧﺎﻡ ﻟﯿﻮﺍ ﺑﮭﯽ ﻧﮩﯿﮟ ﮨﻮﻧﺎ ﭼﺎﮨﺌﮯ ﺗﮭﺎ ﻣﮕﺮ ﺍٓﺝ ﺍﺑﯿﺮﮈﯾﻦ ﺳﮯ ﻟﮯ ﮐﺮ ﺍﯾﮉﻧﺒﺮﺍ ﺗﮏ ﻭﻟﯿﻢ ﻭﺍﻟﺲ ﮐﮯ ﻣﺠﺴﻤﮯ ﺍﻭﺭ ﯾﺎﺩﮔﺎﺭﯾﮟ ﮨﯿﮟ، ﺗﺎﺭﯾﺦ ﻣﯿﮟ ﻭﻟﯿﻢ ﻭﺍﻟﺲ ﺍﻣﺮ ﮨﻮ ﭼﮑﺎ ﮨﮯ۔ ﮔﻠﯿﻠﯿﻮ ﭘﺮ ﮐﻔﺮ ﮐﮯ ﻓﺘﻮﮮ ﻟﮕﺎﻧﮯ ﻭﺍﻟﯽ ﭼﺮﭺ ﺍﭘﻨﮯ ﺗﻤﺎﻡ ﻓﺘﻮﮮ ﻭﺍﭘﺲ ﻟﮯ ﭼﮑﯽ ﮨﮯ، ﺭﻭﻣﻦ ﮐﯿﺘﮭﻮﻟﮏ ﭼﺮﭺ ﻧﮯ ﺳﺎﮌﮬﮯ ﺗﯿﻦ ﺳﻮ ﺳﺎﻝ ﺑﻌﺪ ﺗﺴﻠﯿﻢ ﮐﯿﺎ ﮐﮧ ﮔﻠﯿﻠﯿﻮ ﺩﺭﺳﺖ ﺗﮭﺎ ﺍﻭﺭ ﺍُﺱ ﻭﻗﺖ ﮐﮯ ﭘﺎﺩﺭﯼ ﻏﻠﻂ۔ ﺑﺮﻭﻧﻮ ﮐﻮ ﺯﻧﺪﮦ ﺟﻼﻧﮯ ﻭﺍﻟﮯ ﺑﮭﯽ ﺍٓﺝ ﯾﮧ ﺑﺎﺕ ﻣﺎﻧﺘﮯ ﮨﯿﮟ ﮐﮧ ﺑﺮﻭﻧﻮ ﮐﺎ ﻋﻠﻢ ﺍﻭﺭ ﻧﻈﺮﯾﮧ ﺩﺭﺳﺖ ﺗﮭﺎ ﺍﻭﺭ ﺍﺳﮯ ﺍﺫﯾﺖ ﻧﺎﮎ ﻣﻮﺕ ﺩﯾﻨﮯ ﻭﺍﻟﮯ ﺗﺎﺭﯾﺦ ﮐﮯ ﻏﻠﻂ ﺩﻭﺭﺍﮨﮯ ﭘﺮ ﮐﮭﮍﮮ ﺗﮭﮯ۔
ﺗﺎﺭﯾﺦ ﻣﯿﮟ ﺣﺠﺎﺝ ﺑﻦ ﯾﻮﺳﻒ ﮐﻮ ﺍٓﺝ ﺍﯾﮏ ﻇﺎﻟﻢ ﺍﻭﺭ ﺟﺎﺑﺮ ﺣﮑﻤﺮﺍﻥ ﮐﮯ ﻃﻮﺭ ﭘﺮ ﯾﺎﺩ ﮐﯿﺎ ﺟﺎﺗﺎ ﮨﮯ ﺟﺲ ﮐﯽ ﮔﺮﺩﻥ ﭘﺮ ﮨﺰﺍﺭﻭﮞ ﺑﮯ ﮔﻨﺎﮦ ﻣﺴﻠﻤﺎﻧﻮﮞ ﮐﺎ ﺧﻮﻥ ﮨﮯ ﺟﺒﮑﮧ ﺣﻀﺮﺕ ﻋﺒﺪﺍﻟﻠﮧ ﺍﺑﻦ ﺯﺑﯿﺮؓ ﺷﺠﺎﻋﺖ ﺍﻭﺭ ﺩﻟﯿﺮﯼ ﮐﺎ ﺍﺳﺘﻌﺎﺭﮦ ﮨﯿﮟ، ﺣﺠﺎﺝ ﮐﻮ ﺷﮑﺴﺖ ﮨﻮ ﭼﮑﯽ ﮨﮯ ﺍﺑﻦ ﺯﺑﯿﺮؓ ﻓﺎﺗﺢ ﮨﯿﮟ۔ ﺟﺲ ﺍﺑﻮ ﺟﻌﻔﺮ ﻣﻨﺼﻮﺭ ﻧﮯ ﺍﻣﺎﻡ ﺍﺑﻮﺣﻨﯿﻔﮧ ﮐﻮ ﻗﯿﺪ ﻣﯿﮟ ﺯﮨﺮ ﺩﮮ ﮐﺮ ﻣﺮﻭﺍﯾﺎ ﺍﺱ ﮐﮯ ﻣﺮﻧﮯ ﮐﮯ ﺑﻌﺪ ﺍﯾﮏ ﺟﯿﺴﯽ ﺳﻮ ﻗﺒﺮﯾﮟ ﮐﮭﻮ ﺩﯼ ﮔﺌﯿﮟ ﺍﻭﺭ ﮐﺴﯽ ﺍﯾﮏ ﻗﺒﺮ ﻣﯿﮟ ﺍﺳﮯ ﺩﻓﻦ ﮐﺮ ﺩﯾﺎ ﮔﯿﺎ ﺗﺎﮐﮧ ﻟﻮﮔﻮﮞ ﮐﻮ ﯾﮧ ﭘﺘﮧ ﻧﮧ ﭼﻞ ﺳﮑﮯ ﮐﮧ ﻭﮦ ﮐﺲ ﻗﺒﺮ ﻣﯿﮟ ﺩﻓﻦ ﮨﮯ، ﯾﮧ ﺍﮨﺘﻤﺎﻡ ﺍﺱ ﺧﻮﻑ ﮐﯽ ﻭﺟﮧ ﺳﮯ ﮐﯿﺎ ﮔﯿﺎ ﮐﮧ ﮐﮩﯿﮟ ﻟﻮﮒ ﺍُﺱ ﮐﯽ ﻗﺒﺮ ﮐﯽ ﺑﮯ ﺣﺮﻣﺘﯽ ﻧﮧ ﮐﺮﯾﮟ، ﮔﻮﯾﺎ ﺗﺎﺭﯾﺦ ﮐﺎ ﻓﯿﺼﻠﮧ ﺑﮩﺖ ﺟﻠﺪ ﺍٓﮔﯿﺎ۔
ﺍٓﺝ ﺳﮯ ﺍﯾﮏ ﺳﻮ ﺳﺎﻝ ﺑﻌﺪ ﮨﻢ ﻣﯿﮟ ﺳﮯ ﮐﻮﺋﯽ ﺑﮭﯽ ﺯﻧﺪﮦ ﻧﮩﯿﮟ ﺭﮨﮯ ﮔﺎ، ﺗﺎﺭﯾﺦ ﮨﻤﯿﮟ ﺭﻭﻧﺪﺗﯽ ﮨﻮﺋﯽ ﺍٓﮔﮯ ﻧﮑﻞ ﺟﺎﺋﮯ، ﺍٓﺝ ﯾﮧ ﻓﯿﺼﻠﮧ ﮐﺮﻧﺎ ﻣﺸﮑﻞ ﮨﮯ ﮐﮧ ﮨﻢ ﻣﯿﮟ ﺳﮯ ﮐﻮﻥ ﺗﺎﺭﯾﺦ ﮐﯽ ﺻﺤﯿﺢ ﺳﻤﺖ ﻣﯿﮟ ﮐﮭﮍﺍ ﮨﮯ ﺍﻭﺭ ﮐﻮﻥ ﺗﺎﺭﯾﺦ ﮐﮯ ﻏﻠﻂ ﺩﻭﺭﺍﮨﮯ ﭘﺮ ﮨﮯ . ﮐﻮﻥ ﺣﻖ ﮐﺎ ﺳﺎﺗﮭﯽ ﮨﮯ ﺍﻭﺭ ﮐﻮﻥ ﺑﺎﻃﻞ ﮐﮯ ﺳﺎﺗﮫ ﮐﻨﺪﮬﺎ ﻣﻼﺋﮯ ﮨﻮﺋﮯ ﮨﮯ، ﮐﻮﻥ ﺳﭽﺎﺋﯽ ﮐﺎ ﻋﻠﻤﺒﺮﺩﺍﺭ ﮨﮯ ﺍﻭﺭ ﮐﻮﻥ ﺟﮭﻮﭦ ﮐﯽ ﺗﺮﻭﯾﺞ ﮐﺮ ﺭﮨﺎ ﮨﮯ، ﮐﻮﻥ ﺩﯾﺎﻧﺖ ﺩﺍﺭ ﮨﮯ ﺍﻭﺭ ﮐﻮﻥ ﺑﮯ ﺍﯾﻤﺎﻥ، ﮐﻮﻥ ﻇﺎﻟﻢ ﮨﮯ ﺍﻭﺭ ﮐﻮﻥ ﻣﻈﻠﻮﻡ۔ ﮨﻢ ﻣﯿﮟ ﺳﮯ ﮨﺮ ﮐﻮﺋﯽ ﺧﻮﺩ ﮐﻮ ﺣﻖ ﺳﭻ ﮐﺎ ﺭﺍﮨﯽ ﮐﮩﺘﺎ ﮨﮯ ﻣﮕﺮ ﮨﻢ ﺳﺐ ﺟﺎﻧﺘﮯ ﮨﯿﮟ ﮐﮧ ﯾﮧ ﺑﺎﺕ ﺩﻧﯿﺎ ﮐﺎ ﺳﺐ ﺳﮯ ﺑﮍﺍ ﺟﮭﻮﭦ ﮨﮯ، ﮐﯿﻮﻧﮑﮧ ﺍﮔﺮ ﮨﺮ ﺷﺨﺺ ﻧﮯ ﺣﻖ ﮐﺎ ﻋﻠﻢ ﺗﮭﺎﻡ ﻟﯿﺎ ﮨﮯ ﺗﻮ ﭘﮭﺮ ﺍﺱ ﺩﮬﺮﺗﯽ ﺳﮯ ﻇﻠﻢ ﺍﻭﺭ ﻧﺎﺍﻧﺼﺎﻓﯽ ﮐﻮ ﺍﭘﻨﮯ ﺍٓﭖ ﺧﺘﻢ ﮨﻮ ﺟﺎﻧﺎ ﭼﺎﮨﺌﮯ ﻟﯿﮑﻦ ﺳﺐ ﺍﭼﮭﯽ ﻃﺮﺡ ﺟﺎﻧﺘﮯ ﮨﯿﮟ ﮐﮧ ﮨﻢ ﺍُﺱ ﻣﻨﺰﻝ ﺳﮯ ﮐﮩﯿﮟ ﺩﻭﺭ ﺑﮭﭩﮏ ﺭﮨﮯ ﮨﯿﮟ۔ ﺍ
ﺝٓ ﺳﮯ ﺳﻮ ﺑﺮﺱ ﺑﻌﺪ ﺍﻟﺒﺘﮧ ﺟﺐ ﮐﻮﺋﯽ ﻣﻮﺭﺥ ﮨﻤﺎﺭﺍ ﺍﺣﻮﺍﻝ ﻟﮑﮭﮯ ﮔﺎ ﺗﻮ ﻭﮦ ﺍﯾﮏ ﮨﯽ ﮐﺴﻮﭨﯽ ﭘﺮ ﮨﻢ ﺳﺐ ﮐﻮ ﭘﺮﮐﮭﮯ ﮔﺎ، ﻣﮕﺮ ﺍﻓﺴﻮﺱ ﮐﮧ ﺍُﺱ ﻭﻗﺖ ﺗﺎﺭﯾﺦ ﮐﺎ ﺑﮯ ﺭﺣﻢ ﻓﯿﺼﻠﮧ ﺳﻨﻨﮯ ﮐﮯ ﻟﺌﮯ ﮨﻢ ﻣﯿﮟ ﺳﮯ ﮐﻮﺋﯽ ﺑﮭﯽ ﺯﻧﺪﮦ ﻧﮩﯿﮟ ﮨﻮﮔﺎ۔ ﺳﻮ ﺍٓﺝ ﮨﻢ ﺟﺲ ﺩﻭﺭ ﺳﮯ ﮔﺰﺭ ﺭﮨﮯ ﮨﯿﮟ ﮐﯿﻮﮞ ﻧﮧ ﺧﻮﺩ ﮐﻮ ﮨﻢ ﺍﯾﮏ ﺑﮯ ﺭﺣﻢ ﮐﺴﻮﭨﯽ ﭘﺮ ﭘﺮﮐﮫ ﻟﯿﮟ ﺍﻭﺭ ﺩﯾﮑﮫ ﻟﯿﮟ ﮐﮧ ﮐﮩﯿﮟ ﮨﻢ ﯾﻮﻧﺎﻧﯽ ﺍﺷﺮﺍﻓﯿﮧ ﮐﮯ ﺳﺎﺗﮫ ﺗﻮ ﻧﮩﯿﮟ ﮐﮭﮍﮮ ﺟﻨﮩﻮﮞ ﻧﮯ ﺳﻘﺮﺍﻁ ﮐﻮ ﺯﮨﺮ ﮐﺎ ﭘﯿﺎﻟﮧ ﺗﮭﻤﺎ ﺩﯾﺎ ﺗﮭﺎ، ﮐﮩﯿﮟ ﮨﻢ ﺑﺮﻭﻧﻮ ﮐﻮ ﺯﻧﺪﮦ ﺟﻼﻧﮯ ﻭﺍﻟﮯ ﭘﺎﺩﺭﯾﻮﮞ ﮐﮯ ﺳﺎﺗﮫ ﺗﻮ ﻧﮩﯿﮟ ﮐﮭﮍﮮ، ﮐﮩﯿﮟ ﮨﻢ ﺣﺠﺎﺝ ﮐﯽ ﻃﺮﺡ ﻇﺎﻟﻤﻮﮞ ﮐﮯ ﺳﺎﺗﮫ ﺗﻮ ﻧﮩﯿﮟ ﮐﮭﮍﮮ، ﮐﮩﯿﮟ ﮨﻢ ﺍﻣﺎﻡ ﺍﺑﻮﺣﻨﯿﻔﮧ ﺍﻭﺭ ﺍﻣﺎﻡ ﻣﺎﻟﮏ ﭘﺮ ﮐﻮﮌﮮ ﺑﺮﺳﺎﻧﮯ ﻭﺍﻟﻮﮞ ﮐﮯ ﺳﺎﺗﮫ ﺗﻮ ﻧﮩﯿﮟ ﮐﮭﮍﮮ، ﮐﮩﯿﮟ ﮨﻢ ﺍﺑﻦ ﺭﺷﺪ ﮐﮯ ﺧﻼﻑ ﻓﺘﻮﯼٰ ﺩﯾﻨﮯ ﻭﺍﻟﻮﮞ ﮐﮯ ﺳﺎﺗﮫ ﺗﻮ ﻧﮩﯿﮟ ﮐﮭﮍﮮ ..… ﮐﮩﯿﮟ ﮨﻢ ﺗﺎﺭﯾﺦ ﮐﯽ ﻏﻠﻂ ﺳﻤﺖ ﻣﯿﮟ ﺗﻮ ﻧﮩﯿﮟ ﮐﮭﮍﮮ؟ ﺍﺱ ﺳﻮﺍﻝ ﮐﺎ ﺟﻮﺍﺏ ﺗﻼﺵ ﮐﺮﮐﮯ ﺧﻮﺩ ﮐﻮ ﻏﻠﻄﯽ ﭘﺮ ﺗﺴﻠﯿﻢ ﮐﺮﻧﺎ ﺑﮍﮮ ﻇﺮﻑ ﮐﺎ ﮐﺎﻡ ﮨﮯ ﺟﺲ ﮐﯽ ﺍٓﺝ ﮐﻞ ﺷﺪﯾﺪ ﮐﻤﯽ ﮨﮯ۔ ﻭﻗﺖ ﺗﻮ ﮔﺰﺭ ﮨﯽ ﺟﺎﺗﺎ ﮨﮯ، ﺩﯾﮑﮭﻨﺎ ﺻﺮﻑ ﯾﮧ ﮨﻮﺗﺎ ﮨﮯ ﮐﮧ ﮐﺴﯽ ﺑﺎﺿﻤﯿﺮ ﻧﮯ ﻭﮦ ﻭﻗﺖ ﮐﯿﺴﮯ ﮔﺰﺍﺭﺍ۔

اس خبر پر اپنی رائے کا اظہار کریں

اپنا تبصرہ بھیجیں